Бөбекжай бақшадағы күзгі мереке – бұл балалардың сүйікті іс-шараларының бірі, өйткені мерекелік іс-шаралар кезінде балалар көңілдерін көтеріп, өздерін көрсете алады.

  20-23 қазан аралығында бөбекжай бақшада күзгі ертеңгіліктер өтті. Күз сиқыршысының құрметіне әндермен, билермен, ойындармен, өлең шұмақтарымен нағыз мереке ұйымдастырылды.

  Күз кіші, ортаңғы, ересек топтардың және мектепалды даярлық топтарының балаларына қонаққа келді. Әр топта күз қонақтарын қарсы алу үшін балалар тәрбиешілермен бірге өз топтарын безендірді. Күз ханшайымы балаларды жапырақтар биіне шақырып, олармен көңілді би биледі. Ертеңгіліктерде балалар өздерінің өнерлерін ортаға салып, ән айтты, би биледі, өлең шұмақтарын оқып, жұмбақтар шешті. Іс-шараға арналған көріністерді қуана ойнап, көңілді конкурстарға қатысты. Балалар келесі ертегі кейіпкерлерін тамашалады: Мыстан кемпір, Жаңбыр, Аю, Пугало, Леший, Саңырауқұлақ, Бақташы, Қоян, Күн, Түлкі. Олар балаларды ойындармен және көңілді әзілдермен қуантты. Мереке балаларға қуаныш әкелді.