1 сыныпқа балаларды қабылдау туралы ақпарат

1 сәуірде балаларды бірінші сыныпқа қабылдау үшін өтініштер қабылданады және 2024 жылдың 31 тамызына дейін жалғасады.

Балаларды мектепке қабылдау тәртібі 2018 жылғы 12 қазандағы № 564 бұйрықпен бекітілген Үлгілік қағидаларда айқындалған.

2024 жылдан бастап құжаттарды қабылдау мерзімі күнтізбелік жылдың 31 тамызына дейін ұзартылды.

Бірінші сыныпқа алты жастан бастап даярлық деңгейіне қарамастан балалар және ағымдағы күнтізбелік жылы алты жасқа толатын, білім беру ұйымының қызмет көрсету аумағында тұратын балалар қабылданады:

-өтініш;

-фото суреті өлшемі 3х4 см (2 дана);

-анықтама 052-2/у "Бала денсаулығының паспорты". Денсаулық сақтау министрлігінің мәліметінше, биылдан бастап "Бала денсаулығы паспортын" ақылы түрде сатып алудың қажеті жоқ. Баланың денсаулық паспортын баланың тіркелген жері бойынша емханалардың  мөрі бар анықтама түрінде тегін беретін болады.

• Ағымдағы жылы Білім Министрлігі "электрондық үкіметтің" веб-порталы арқылы қолжетімді мемлекеттік қызметтің бизнес-процесін жаңартты еgov.kz:
• шағын учаске бойынша мектепті автоматты түрде таңдау қарастырылған. (Білім беру ұйымына қызмет көрсету аумағы Республикалық маңызы бар қалалардың, астананың, аудандардың (облыстық маңызы бар қалалардың) білім беруді басқару органдарының бұйрығымен бекітіледі);
• сынып-жинақ автоматты түрде қалыптасады;
• білім беру ұйымымен шарт "электрондық үкімет" порталы арқылы электрондық форматта жасалатын болады (бірінші сыныпқа қабылдау туралы бұйрықтан кейін ата-анаға білім беру ұйымымен танысу және шартқа қол қою үшін СМС хабарлама келеді. Бұйрықты орта білім беру ұйымы ағымдағы жылдың 25 тамызынан бұрын шығарылмайды).

Сонымен қатар, білім беру ұйымдарына артық құжаттарды, оның ішінде "Баланың туу туралы куәлігін" талап етуге тыйым салынғанын хабарлаймыз.