«Жаз бізге не сыйлады»

Жазғы кезеңде балалардың өмірін ұйымдастыру маңызды, әр  күн  оларға жаңа қызықтар әкеледі, қызықты мазмұнға толы болады. Бүгін мектепалды даярлық «Зерек бала» тобының балалары серуенде «Жаз бізге не сыйлады» тақырыбында гүлдер, олардың әртүрлілігі мен сұлулығы туралы білімдерін байыта түсті. Ұқсастықтары мен айырмашылықтарын  атап өтті.. «Гүлдердің иісі»  тыныс алу жаттығуларын орындау кезінде біз барлық гүлдердің өзіндік ерекше хош иісі бар екенін білдік. Олар қызығушылықпен «Бағбан» қозғалмалы ойынын ойнады, онда әр бала өзіне ұнайтын гүлі бар бас киімді таңдады. Балалар  сүйікті өсімдіктерін қуана күтіп баптады. Мұндай әрекет жағымды эмоционалды көңіл-күй қалыптастырады, табиғаттың нәзік әлемін сүюге және қорғауға үйретеді.

Мектепалды даярлық «Зерек бала» тобының тәрбиешісі Яльницкая Г.В.