«Алтын бесік» бөбекжайында эстетикалық цикл педагогтерінің әдістемелік бірлестігінің «Мектепке дейінгі жастағы балаларды ерте жастан еңбекке және кәсіпке баулу:

міндеттері мен эстетикалық цикл мүмкіндіктері» тақырыбында отырысы өтті.

Отырыс барысында педагогтер музыкалық, бейнелеу, шығармашылық және театрландырылған іс-әрекеттер арқылы мектеп жасына дейінгі балалардың еңбекке және әртүрлі мамандықтарға деген қызығушылығын қалыптастыру мүмкіндіктерін талқылады.

Балалардың шығармашылық арқылы мамандықтар әлемін танып-білуіне, дербестігін, бастамашылдығын дамытуға және еңбекке деген құрметін қалыптастыруға ықпал ететін практикалық жұмыс түрлеріне ерекше назар аударылды.