«Жұлдыз» ортаңғы тобында «Үй және жабайы жануарлар» тақырыбында іс-әрекет өтті

«Жұлдыз» ортаңғы тобында «Үй және жабайы жануарлар» тақырыбында танымдық іс-әрекет ұйымдастырылды. Іс-әрекет барысында балалар үй және жабайы жануарлардың тіршілік ету ерекшеліктерімен танысып, олардың қайда мекендейтінін, немен қоректенетінін және адамға қандай пайдасы бар екенін білді.

Балалар қызығушылықпен суреттерді қарап, жануарларды салыстырды, тәрбиешінің сұрақтарына жауап беріп, жануарларды ажыратуға арналған ойын тапсырмаларын орындады. Балалар жануарларды сыртқы келбетіне, мекен ету ортасына және тіршілік ету ерекшеліктеріне қарай үй және жабайы жануарларға ажыратуды үйреніп, зейінін, есте сақтау қабілетін және логикалық ойлауын дамытты.

Іс-әрекет қызықты әрі жағымды атмосферада өтті. Алған білімдері балалардың қоршаған әлем туралы түсініктерін кеңейтіп, табиғатты аялауға және жануарларға деген сүйіспеншілігін арттыруға ықпал етті.