«Көңілді эстафета әлемі» спорттық іс-шарасы

Балабақшамызда балалардың денсаулығын нығайту, салауатты өмір салтын насихаттау және спортқа деген қызығушылығын арттыру мақсатында «Көңілді эстафета әлемі» атты спорттық іс-шара ұйымдастырылды.
Іс-шара барысында тәрбиеленушілер әртүрлі қызықты эстафеталық ойындарға қатысып, өздерінің ептіліктерін, жылдамдықтарын, төзімділіктерін және ұйымшылдықтарын көрсетті. Балалар көтеріңкі көңіл күймен жарысқа қатысып, бір-біріне қолдау білдіріп, жеңіске деген жігерлерін танытты.