Преемствендік жоспарына сәйкес «Жұлдыз» мектепалды даярлық тобында «Кішкентай оқушылардың үлкен жетістіктері» атты қорытынды ата-аналар жиналысы өтті.

Жиналыстың басында ата-аналарды ясли-бақша меңгерушісі Толгамбаева Жанаргүл Еркенғалиқызы қарсы алып, оқу жылы барысында балалардың едәуір өсіп, көп нәрсені меңгергенін, өз бетінше әрекет етуі артқанын, достық пен жауапкершілік қасиеттері қалыптасқанын атап өтті.

Ата-аналарға құттықтау сөзбен №3 мектеп директорының оқу ісі жөніндегі орынбасары Габбасова Айгүл Бекарстановна сөз сөйледі. Ол өз баяндамасында балаларды мектепке қабылдау тәртібі, оқу мен тәрбие үдерісінің шарттары туралы жан-жақты түсіндіріп берді.

Келесі сөз ясли-бақша психологы Маженова Карина Бекарстановнаға берілді. Ол «Баланың мектепке психологиялық дайындығы» тақырыбында баяндама жасап, ата-аналарға маңызды кеңестер ұсынды.

Ата-аналарға арнап «Жетістіктер шеруі» атты презентация дайындалып, онда балалардың балабақшада жүрген уақыт ішінде қалыптасқан шығармашылық қабілеттері мен жетістіктері көрсетілді.

Соңында ата-аналарға қолдау көрсетіп, балабақша өміріне белсене қатысқаны үшін алғыс хаттар табысталды. Жиналыстың қорытынды бөлімінде тәрбиеші балаларға мектепте табысты оқу, жаңа жетістіктер мен өз күшіне сенімді болуды тілеп, ал ата-аналарға шыдамдылық, өзара түсіністік және балаларының жетістіктеріне қуана білуге тілектестік білдірді.