Балабақшамыздың ересек тобының тәрбиеленушілері «Өрт кезінде қандай әрекет жасау керек?» тақырыбында танымдық іс-шараға қатысты.

Іс-әрекет барысында балалар өрттің қауіпті екенін түсініп, мұндай жағдайда сабыр сақтап, үлкендерді шақыру, 101 нөміріне хабарласу және қауіпсіз жерге шығу керектігін үйренді.
Сонымен қатар, тәрбиеленушілер өрт кезінде түтіннен қорғану үшін еңкейіп жүру, ауыз-мұрынды дымқыл шүберекпен жабу сияқты қарапайым қауіпсіздік ережелерімен танысты. Іс-шара қызықты ойындар мен сұрақ-жауап арқылы өтіп, балалардың қауіпсіздік дағдыларын қалыптастыруға үлкен үлес қосты.