Наурыз мерекесіне орай «Ақ бұлақ» мектепалды тобының қыздарымен «Мәдениет және ұлттық салт-дәстүр күні» ұйымдастырылып, қазақтың әсем дәстүрлерінің бірі – шашбау тағу рәсімі өткізілді.

Шаш – қыздың көркі, ал шашбау – сол көрікті одан әрі айшықтайтын ұлттық әшекей. Халқымыз ертеден қыз баланың шашын күтіп, оған шолпы мен шашбау тағып, әдептілік пен сұлулықтың белгісі ретінде қадірлеген.
Рәсім барысында қыздарға ұлттық дәстүрдің мәні түсіндіріліп, қыз бала тәрбиесіндегі әдеп, көркемдік және ұлттық құндылықтар туралы айтылды.