«Әйелдерге гүл сыйлаңыздар» — мектепалды «Жұлдыз» тобы.

Мерекелік іс-шара тәрбиешінің құттықтау сөзімен және келген қонақтарды қарсы алумен басталды. Мерекелік ертеңгілік барысында балалар үлкен ықыласпен өлеңдер оқып, ән айтып, билерін орындады. Сонымен қатар балалар мен ата-аналардың қатысуымен қызықты ойындар мен сайыстар ұйымдастырылып, көтеріңкі әрі достық атмосфера қалыптасты.

Ерекше әсерлі сәттердің бірі – балалардың аналары мен әжелеріне сыйлық табыстауы болды. Балалар өздерінің жақындарын құттықтап, өз қолдарымен жасаған ашық хаттарын сыйға тартты.

Мерекенің соңында ата-аналар комитетінің төрайымы Гавриленко Даниэла Сергеевна жылы лебізін білдіріп, алғыс сөзін айтты.

Мереке жылы, қуанышты әрі мейірімді көңіл күйде өтті. Іс-шараға қатысқан барлық жандар жақсы әсер алып, көтеріңкі көңіл күймен тарқасты.