Ортаңғы «Әлди» тобында кіріктірілген оқу іс-әрекеті (жапсыру және сурет салу) «Гүл шоғы» тақырыбында өтті.

Сабақтың мақсаты — мақта дискілерін пайдалану арқылы жапсыру мен сурет салу элементтерін біріктіре отырып, «Гүл шоғы» композициясын жасау және балалардың шығармашылық қабілеттерін дамыту.

Іс-әрекет барысында балалар бірнеше элементтен тұратын композиция құрастыруды үйренді, дәстүрден тыс материал — мақта дискілерімен жұмыс істеу дағдыларын бекітті және бөлшектерді ұқыпты жапсыруға машықтанды.

Сабақ ұсақ моториканы, түсті, пішінді және композицияны сезіну қабілетін, шығармашылық қиял мен эстетикалық талғамды, қимыл-қозғалыс үйлесімділігін дамытуға бағытталды. Сонымен қатар балаларды ұқыптылыққа, дербестікке, материалдарға жауапкершілікпен қарауға және бастаған ісін соңына дейін жеткізуге тәрбиелеу көзделді.

Іс-әрекет шығармашылық әрі жағымды атмосферада өтті.