«Достық наны» орталығының ашылуы

Мектепке дейінгі тәрбиелеу мен оқыту мазмұнын жаңарту мақсатында биылғы оқу жылы елімізде «Еңбекке және мамандықтарға ерте жастан баулу» пилоттық жобасы іске қосылды. Жобаға 100 мектепке дейінгі ұйым қатысуда. Жобаның мақсаты – балаларды еңбекке баулу, оларда еңбекқорлық, жауапкершілік және ересектердің түрлі қызмет түрлеріне құрмет сезімдерін қалыптастыру.
Осы жоба аясында біздің «Алтын бесік» бөбекжайы базасында «Достық наны» орталығының салтанатты ашылуы өтті. Іс-шараға білім беру бөлімінің басшысы Наймушина Н. Г., аудандық білім беру ұйымдарының жетекшілері, психологиялық-педагогикалық түзету кабинетінің мамандары мен педагогтары, педагог-психологтар және дефектологтар қатысты.
Символдық лентаны қиып, орталықты ашу құрметі Наймушина Н. Г. мен «Алтын бесік» бөбекжайының бас аспазшысы Петрищева Н. П.-ға берілді.
Педагог Жакубаева С. К. қонақтарға мектепалды  тобы тәрбиеленушілерімен бірге «Тәтті тоқаштар» атты шеберлік сыныбын ұсынды. Балалар қамырмен өздігінен және қызығушылықпен жұмыс жасап, ұқыптылық пен дербестік танытты. «Достық наны» орталығының заманауи жабдықтарының арқасында бүлдіршіндер өз қолдарымен хош иісті тәтті тоқаш пісіріп, іс-шара қонақтарын қуантты.
Орталықтың ашылуы біздің бөбекжай өміріндегі маңызды оқиға болып, балаларда ерте еңбек дағдыларын қалыптастыруға және мамандықтарға жағымды көзқарас тәрбиелеуге бағытталған жобаны жүзеге асырудағы жарқын қадам болды.