«Жаз мезгіліндегі өрт қауіпсіздігі ережелері»

2025 жылғы 29 мамырда «Алтын бесік» бөбекжайында  «Жаз мезгіліндегі өрт қауіпсіздігі ережелері» тақырыбында профилактикалық дәріс өтті. Дәрісті Атбасар ауданы ТЖБ СПЧ-4 радиотелефонисі, азаматтық қорғау кіші сержанты Едыгенова Зарина Болатовна жүргізді.

Кездесу барысында Зарина Болатовна педагогтар мен тәрбиеленушілерге жазғы кезеңде өрттің шығу себептері, табиғатта, тұрмыста және өрт байқалған жағдайда қауіпсіз жүріс-тұрыс ережелері туралы  түсінік  берді. Сонымен қатар, төтенше жағдайлар кезіндегі әрекет ету тәртібі мен электр құралдарын, ашық отты қолданудағы сақтық шаралары жайлы кеңінен тоқталды.

Дәріс көрнекі мысалдармен, сұрақтармен және қатысушылардың белсенді диалогымен сүйемелденді. Педагогтер берілген ақпараттың тәжірибелік құндылығын ерекше атап өтті, ал балалар — түсіндірудің қолжетімділігі мен қызықтылығын жоғары бағалады.

Едыгенова З.Б.-ға кәсіби шеберлігі, ынтымақтастығы және жас ұрпақтың қауіпсіздік мәдениетін қалыптастыруға қосқан үлесі үшін алғысымызды білдіреміз.