«Түрлі-түсті би кеші»

Жоспарға сәйкес мектепалды «Қарлығаш» тобында ерекше көңілді шара өтті – «Түрлі-түсті би кеші»! Бұл жолы дискотека жай ғана бөлмеде емес, беседкада – ашық аспан астында ұйымдастырылды. Жарқыраған күн, таза ауа мен көңілді әуен – бәрі балалар үшін тамаша көңіл күй сыйлады!

Балалар түрлі-түсті киім киіп, әдемі жалаулармен безендірілген жазғы үйшікте би билеп, шын мәнінде ерекше әсер алды. Музыкалық әуендер, күлкі мен би – нағыз мерекеге айналды. Ойындар мен би сайыстары балалардың белсенділігін арттырып, достық пен бірлікті нығайтты.

Кеш соңында балалар шаттанып, көтеріңкі көңіл-күймен тарқасты. «Қарлығаш» тобының бұл дискотекасы – ашық аспан астында өткен, естен кетпес жарқын естеліктердің бірі болды!