Бөбекжаймен қоштасу

Бөбекжаймен қоштасу кеші барлық мерекелердің ішіндегі ең әсерлі, ұмытылмас мереке болып келеді.Мектеп жасына дейінгі балаларды мектепке шығарып салу-бұл әрқашанда жылы, әсерлі,көңілді, салтанатты мереке.Бүгін біздің бөбекжайда мектепалды даярлық «Болашақ» бөбекжаймен қоштасу кеші  өтті. Педагогтар дайындыққа өте жауапты қарады.Мерекеде әндер, билер және ойындар болды. Ұлдардың мерекелік костюмдері мен  қыздардың юбка,көйлектері  мерекеге сән бере түсті. Тәрбиешілер, ата-аналар туралы әдемі әндер барлық қатысушыларды қызықтырды. Алғашқы аккордтардан бастап әсерлі билер көрермендердің қошеметіне бөленді. Енді балаларды болашақта таңғажайып ашылулар мен  қызықты саяхаттарға толы күндер, мектеп өміріне деген ауыр жол  күтіп тұр. Топтағы әр бала-кішкентай жұлдызша. Біз оларды мақтанышпен және үмітпен мектепке шығарып саламыз. Құрметті біздің түлектер, сіздерге  сәттілік тілейміз.