«Магнит» азық-түлік дүкеніне экскурсия

Мектепке дейінгі білім беру мен «Біртұтас тәрбие» бағдарламасын жүзеге асыру аясында “Болашақ” мектепалды тобында «Магнит» азық-түлік дүкеніне танымдық экскурсия ұйымдастырылды. Іс-шара «Тілге бойлау» компонентін интеграциялау арқылы балалардың тілдік құзыреттілігін дамытуға бағытталды.
Экскурсияның мақсаты — мектепке дейінгі балалардың мамандықтар туралы түсініктерін кеңейту, экономикалық негізгі ұғымдарды қалыптастыру, сөйлеу дағдыларын және қарым-қатынас қабілеттерін дамыту.
Экскурсия барысында балалар дүкеннің құрылымымен, бөлімдерімен, кассирдің жұмысымен танысты.
Арнайы назар денсаулықты сақтау қағидаларына, қоғамдық орындарда тәртіп сақтау ережелеріне аударылды.
Экскурсия достық және әсерлі атмосферада өтті. Балалар тек жарқын әсерлер ғана емес, сонымен бірге өмірде көмектесетін маңызды білімдер де алды.